|
[[轉載]]
http://choi_sam1208.mysinablog.com/index.php?op=ViewArticle&articleId=760545
特攝情義結(外傳)之 睇書學超人!
雷娃 | 8th Sep 2007 | 懷舊一番 | (2814 Reads)
平均分: 10.00 | 評分人數: 1
最近買左兩本超人圖鑑,等我雷Sir同大家上一堂超人基礎課程啦!
(封面)
(封底)
首先出埸係改編自《猿人襲地球》嘅《電子分光人》(1971)
《銀面飛俠 》(1971)故事前半段係等身超人,之後卻因收視差而被迫變成巨大超人!
下圖(左)係《電光超人》(1993),佢係喺電腦裡面打怪獸架!
下圖(右)係《銀面飛俠》系列嘅第二輯《鋼鐵王》 (1972)
下圖(左)係《火炎超人》(1973)對眼大到好似羅之威爾外星人咁!
下圖(右)係《電光科學人》(1971)佢同《幪面超人 龍騎》一樣都係以「鏡世界」做主題!
《珍寶A》(1973)外表似鹹蛋超人,但其實佢係由飛機變身而成嘅機械人!內有駕駛者!簡直係《變形金剛》嘅祖先~~~~
下圖(左)係《哥斯拉》電影中的巨大機械人(1973),個樣好奸...
下圖(右)係《珍寶A》片集中的另一個機械人《珍寶9》,係由一架車變身而成嘅機械人!
《流星人間 莊》(1973)佢曾經同怪獸王「哥斯拉」同台演出,一齊合作打怪獸!
下圖(右)係《恐龍探險隊》(1976)首套動畫與特攝混合嘅精彩作品!
下圖(左)係《恐龍探險隊》續集《大戰恐龍城》(1977),片集中段突然有個「愛善超人」出場!令人驚喜!
《恐龍探險隊》、《大戰恐龍城》系列的第三作《恐龍戰隊》(1978),個頭好圓~~~
《鐵金剛》(1973)唔係特務007!主題曲係由王愛明唱嘅:「萬樣大事,也有個鐵金剛,妖魔鬼怪要反抗,實在係傻戇......」
《鐵金剛》系列第二作《百變龍》(1974),造型比起鐵金剛修長有型得多,個樣就有D似《鐵甲萬能俠》!
《鐵金剛》、《百變龍》系列第三作《小超人 剛霸龍 》(1977),概念係《小飛俠 阿童木》真人版!還會駕駛三機合體機械人「大霸龍」同巨獸戰鬪,「大霸龍」仲係特攝史上第一台合體機械人添!!!
鹹蛋超人除了特攝版之外,還有這兩套動畫版!(圖中D真人版係特別為左做SHOW而扮演架!)
下圖(左)《超人USA》(1989)係圓谷公司進軍美國市場嘅作品!
下圖(右)係《超人 祖尼斯》(1979)
哩套係同「鹹蛋超人」有關嘅作品,係一班着左裝甲嘅鹹蛋超人!(1983)
跟住到等身超人出場~~~
《超人巴狼1號》又名《蝴蝶超人》 (1972)係由兩個小朋友合體變身而成架!如果佢地响超人入面意見不合,就會即刻打回原形!做哩個超人真係好講求合作精神架!
《閃電超人》(1973)係第一個有二段變身嘅超人,由超能力者渡五郎先變身成「蛹超人」,當蛹超人唔夠怪物打就會吐絲結繭,然後變身成「閃電超人」!十足十《天蠶變》嘅雲飛楊~~~
下圖(左)《魔女先生》(1971)係少有嘅女性擔正做主角嘅變身英雄!應該話「英雌」至啱!
下圖(右)係《影之星》(1976),情侶檔超人,樣子怪怪的~~~
除咗英雄片,仲有由靚女們演出嘅《魔法少女系列》~~~
永井豪嘅特攝作品《摔角之星》(1976),也是動畫與特攝嘅混合作品!當摔角之星進入咗異次元空間與怪人戰鬪時,場面係用動畫嚟表達嘅。
同樣係永井豪嘅作品,我會稱呼佢地為《斧頭幫超人》(笑)!(1976)
《機械刑事K》(1973)响變身英雄熱潮時期,大膽地棄用變身元素嘅石森作品!K嘅終極形態,全身都變晒紅色!
《電人 史柏加》(1974)可以變成電單車嘅機械人,令人諗起《幪面超人555》架電單車!男主角係飾演「幪面超人4號 . 怪金剛」嘅結城丈二。
下圖(左)《小百寶》(1977),我好細個嘅時候睇過,實在令人懷念!
下圖(中)《新新小露寶》(1999)「新小賓女」加藤夏希好索呀!
下圖(右)《小露寶》(1974),我總係覺得一個機械人同一個外星人(小賓女係外星人嚟架!)做情侶好怪誕囉!!!
下圖(右)《快獸》(1966)雖然幅圖係彩色,但其實哩套係黑白片嚟嘅!
下圖(左)《得意快獸仔》(1999)快獸仔最鍾意食拉麵,TVB也曾播過。
下圖(左)首兩部戰隊作品《五勇士》(1975)、《皇牌突擊隊》(1977)
下圖(右)《電腦黑魔》(1995),《電腦奇俠》中的經典奸角「從良」電影版!也是石森章太郎的遺作。
《世界忍者爭霸戰 磁雷矢》 (1988)
《宇宙神探》系列第五作《時空戰士 史貝巴》(1986),有兩位女戰士幫手,真係好艷福~~~
《電腦警察》(1988)最記得劇中那條接通全國地底的「武器裝備輸送管道」,出動唔駛帶武器,去到邊就响邊度Call武器出嚟用!超方便~~~
由烈火(紅)、拜高(黃)、亞魯達(綠)三人組成嘅《特警拯救隊》(1990),佢地要對付嘅唔係怪物,而係以高科技犯罪嘅不法之徒!
《七星鬪神》(1996)圓谷公司的「改造人技擊作品」
《超光戰士 山齊里奧》(1996)哩個可以話係超人界嘅周星馳!每集都搏命攪gag!淨係片中綠色果位要食酸梅乾先可以變超人嘅「贊比達」就已經笑到我碌地~~~
娃眾取寵 雷娃
|
|