巨鴨洩氣了

shaiya

巨鴨受傷了

近期成為全港風頭躉、萬人追捧的黄色巨鴨突然在星期二晚上側倒海面，「急流勇退」。網上隨即開始瘋傳鴨仔受傷漏氣的照片，更有人即時撲入尖沙咀探鴨仔最新狀況，鴨仔隨後更變回鴨餅拖走，暫別鴨粉們。

對於巨鴨展出兩星期忽然放氣打回鴨餅原形，即晚便有眾多猜測，網上傳言巨鴨遭人惡意破壞、又說被海面垃圾刺穿等等，引起一輪「公眾恐慌」，非常擔心鴨仔安危。主辦單位海港城即時澄清話鴨仔只是做身體檢查，需要派工作人員由鴨屁股進入鴨內檢查喉管及鴨身。其後更在網站上發出特別通告，指鴨仔要休息、睡一睡，但絕非被恐怖襲擊，叫大家放心。

不過話雖如此，鴨仔仍未確定何時回歸，網民為了幫鴨仔打氣加油，專登以王菀芝的<<我真的受傷了>>改編歌詞成<<鴨真的受傷了>>，還找人代唱放上網。唉，鴨鴨請你快快康復，免得一眾鴨粉為你牽腸掛肚喇，大家都可以在此言為鴨仔打氣！

鴨真的受傷了︰http://www.youtube.com/watch?v=C5oyFpWZSvo

鴨仔主頁︰http://hk.lifestyle.yahoo.com/rubberduck/

shaiya

鴨真的受傷了 (改編自 王菀之 我真的受傷了) by 鴨頁主 X Singing Wincy

seeyou

咁快!好忙諗住遲D先去睇

shaiya

咁快!好忙諗住遲D先去睇
seeyou 發表於 2013-5-16 09:31

古唔到咁快就有事,一個月都冇

shaiya

巨鴨體檢 不日復出 上周大浪要放氣休息

主辦單位噚日喺「扁鴨」現場掛出通知，話「橡皮鴨需要稍作休息，順便做吓body check。好快橡皮鴨又會以最『duck』狀態同大家見面！」，但無交代係幾時。（蔡方山攝）

【明報專訊】黃色巨鴨Rubber Duck喺尖沙嘴已經「游」咗兩個星期，但前晚起卻突然泄晒氣，變成一塊「鴨皮」攤喺海面，市民都好擔心佢係咪穿咗窿，要無限期收起。Emily問過主辦單位海港城，佢哋話放晒巨鴨嘅氣係因為上個禮拜佢經歷完大風浪，要做「例行檢查」，仲話巨鴨無被硬物刺穿或受到蓄意「襲擊」，檢查後會再同市民見面，但就確實唔到巨鴨幾時「游番出嚟」。

未知幾時游番出嚟
巨鴨噚日成隻扁咗咁浮喺海面，到下晝再由躉船吊起檢查及維修，由於部分「鴨皮」載咗海水，工作人員要用水泵將海水排走，先可以進一步將「鴨皮」吊上岸。唔少到場睇鴨嘅市民，見巨鴨「唔見咗」都好失望；主辦單位就貼出告示，指橡皮鴨要稍為「休息」，「檢查身體」，全面檢查後會再充氣展出。
海事處發言人就話，噚日收到主辦單位通知要將巨鴨吊上岸維修。海事處已要求主辦單位聘請特許驗船師，檢查巨鴨同佢嘅繫泊設備，證明穩固安全，先可以重新將巨鴨放回原定展出位置。

CCTV微博打氣

巨鴨「漏氣」連內地新聞機構都關注，南都周刊同央視新聞嘅微博噚日都有發表相關消息，其中央視新聞嘅微博仲留言為巨鴨打氣﹕「小黃鴨在香港維多利亞港孤身漂了12天後終於撐不住而倒下了……小黃鴨，你要堅強啊！」

http://hk.news.yahoo.com/%E5%B7%A8%E9%B4%A8%E9%AB%94%E6%AA%A2-%E4%B8%8D%E6%97%A5%E5%BE%A9%E5%87%BA-%E4%B8%8A%E5%91%A8%E5%A4%A7%E6%B5%AA%E8%A6%81%E6%94%BE%E6%B0%A3%E4%BC%91%E6%81%AF-210432899.html

elite

珍惜當下

(綜合報道)(星島日報報道)香港掀起一股全城賞鴨熱，只可惜或許我跟這頭可愛Rubber Duck的八字並不配合，至今仍是無緣一見。

　　黃色巨鴨本月上旬開始現身維港，我卻在上月下旬離港度假，本來有說在前往機場途中有機會一睹巨鴨蹤影，我在車上望眼欲穿，但在貨櫃碼頭及青馬大橋一帶仍是看不到半點鴨蹤，只好帶着惆悵心情乘飛機離港而去。

　　日前回歸香港，數天下來忙個不休，看巨鴨的行動當然是不消提，誰料晚上卻傳來巨鴨泄氣的壞消息，看見巨鴨半浮半沉在維港上的照片，心裏突然感到很不舒暢，不知道巨鴨泄氣是環境還是人為因素？這趟是暫別還是永別？事實上，巨鴨事件提醒大家該珍惜當下，像我們經常出門的，我們的座右銘也是如此，特別是遇上好天氣時便得加倍努力，因為誰都不知道明天天氣會否突然變壞，影響工作行程。還望經過好好「修理」後的巨鴨能夠再現維港，教我有機會看它一眼吧！

　　文：林逸

elite

鴨真的受傷了 全城改圖為巨鴨打氣



Duck Duck星期二晚上突然訓低左，放氣打回鴨餅原形，更引起一輪「公眾恐慌」，非常擔心鴨仔安危！為左讓Duck Duck快d訓醒，番黎我地身邊，依家我地發起【鴨真的受傷了 - 全城改圖為巨鴨打氣】！

方法係把你地影左既鴨仔相改圖，為Duck Duck打氣，上載你嘅鴨仔相上呢個Flickr group (www.flickr.com/groups/hkrubberduck) 並tag番張相為"HK Rubberduck"，或者email張相去yhk_flickr@yahoo.com.hk 就有機會俾我哋嘅編輯選用為Yahoo! 主頁的人氣相片!，更有機會獲得港幣$500現金禮劵！

立即為Duck Duck打氣：http://www.flickr.com/groups/hkrubberduck/
返回鴨仔主頁︰http://hk.lifestyle.yahoo.com/rubberduck/