Iron Man做你男友，Like or Dislike？


	兩女吹水,唔知係咪真,覺得幾好笑 Iron Man再度登場，旋即捲起一股鐵甲熱，尤其得到男生熱切迷倒，女生反應卻好壞參半，有人卻瘋狂愛上，有人卻認為與Batman、Spiderman和Superman的分別不大，只是穿著不同衣物來變身，才獲得一身超能力。究竟Iron Man成為各位姊妹的男友或丈夫，你like定dislike？就此，筆者就曾經聽到以下的爭論：女生A：Iron Man好型呀，如果佢做我男人就好喇？女生B：你諗清楚喎，佢真心覺得佢型？女生A：以有錢人嚟講，佢唔肥唔禿頭又靚仔，算係咁啦！女生B：但係佢有錢成咁，你真係想做佢女人？女生A：嫁個有錢人，有邊個唔想？女生B：佢有錢嘅程度，人地要綁架佢喎！你唔記得咗佢第一集俾人綁架喇？女生A：佢咁勁，連俾人綁架都無事喎！再講，我有咩事，佢仲可以保護我，幾有安全感呀！女生B：佢要拯救世界，拯救眾生，仲邊得閒保護你？女生A：咁佢可以製造好多個鐵甲兵團架嘛！女生B：就算佢得閒喺你身邊，佢都唔多專一啦。你記唔記得上集有黑寡婦Scarlett Johansson爭D搶走佢呀？女生A：梗係記得。但係連Scarlett Johansson都引唔到佢，真係唔知邊個仲可以搶走佢囉！女生B：咁果個一定唔係你囉！其實你諗下，Iron Man同其他Superhero相比，佢算係咩？當佢無左副盔甲就即刻唔掂，Batman都話仲識打，Spiderman仲可以噴蜘蛛絲呀！女生A：但係佢著住副盔甲特別型嘛！女生B：仲好講，金屬味濃，又冷又硬，一D人氣都無，仲要個心臟有事，隨時死架！女生A：佢同Batman比，梗係好好多啦，好似呢集咁，3D喎！女生B：3D剩係識得收貴你幾十蚊，做佢女友唔見得會Free D架！女生A：Er……佢有鬍鬚呀！女生B：果個係Robert Downey Jr.，唔係Iron Man！女生A：Hey，咪即係同一個人！女生B：你連邊個打邊個都未識分，Robert Downey Jr. 剩係簽左3集Iron Man同2集The Avengers，Iron Man都唔知有無下集，就算有都未必係佢架！女生A：哦，係咩？算啦，都係吹水弟討論，你估Iron Man真係會出現喺我哋眼前咩！女生B：有港版Iron Man囉…… 能力愈大，責任愈大聽到以上對話，的確有趣，姑勿論誰對誰錯，各位姊妹請記住Superhero是「能力愈大，責任愈大」，他要保護全世界，不能時刻在你身旁，所以切勿過份崇拜。再者，如果你想嫁個有錢人，其實真的不用太有錢，否則有錢得要幾個保鑣傍身，逛街也要提心吊膽，怕人綁架，那就不好了！Iron Man？都是在銀幕相見好了！ http://hk.lifestyle.yahoo.com/iron-man%E5%81%9A%E4%BD%A0%E7%94%B7%E5%8F%8B-dislike-010000032.html