阿諾舒華辛力加至今最佳作品

fantasy

佢話過：he'd be back，而家 Governator阿諾舒華辛力加正式回歸影壇。
當然今日六十五歲嘅佢就梗係唔可以同當年同日而語，但係始終佢嘅表演方式有獨特一面，影迷們都係好期待嘅。
至於比較年輕而又想認識佢多啲嘅觀眾，以下呢十齣係入門嘅好選擇。



Conan - 《霸王神劍》(1982)
經典魔幻小說拍成電影版，個角色根本就係度身訂做：大隻、寡言、舞劍、床上戲。今日睇返轉頭，除咗阿諾之外真係好似唔易搵第二個人做，近年有傳會 remake，不過暫時都係吹風階段。



Major Alan 'Dutch' Schaeffer –《鐵血戰士》(1987)
一班肌肉人去獵殺異形，同時被異形獵殺，阿諾玩槍又同異形搏擊，有戲可演嘅。

fantasy

T800 –《未來戰士》(1984)
多數人認識阿諾都係因為呢齣戲，亦係佢至今唯一一次做奸角。木口木面機械人又係度身訂做，結果仲搶鏡過男女主角，多次被選為歷來最佳奸角。



John Matrix – 《獨闖龍潭》 (1985)
一個退役士兵獨自攻進一個有幾百人防守嘅碉堡，成功捉拿壞人首領毫髮未傷全身而退，本片係當年大隻佬動作片模式嘅典型。



Ben Richards - 《威龍猛將》(1987)
首先個香港戲名已經好奇怪：個龍字當年係兩位龍哥（成龍同史泰龍）專用嘅，就唔知點解用咗喺到。講返呢齣科幻片講未來世界美國變成獨裁國家，一個警察奮起抗爭。呢齣戲比前作較多暴力鏡頭，阿諾有講“I'll be back”。

fantasy

Detective John Kimble– 《幼稚園特警》(1990)
阿諾嘗試轉型演喜劇嘅第二擊（第一擊係《龍兄鼠弟》，其實都唔錯），本作票房同口碑都係相當成功。嗰啲湊細路拿手唔成世同埋用大人方法管理細路嘅笑料十分唔錯，甚至令呢個題材成為一種類型片種，其後嘅大隻佬例如雲迪素、The Rock等等個個都要整返齣咁上下嘅湊仔戲嚟顯示佢哋係有表情識演戲。



T800 –《未來戰士續集》: Judgement Day (1991)
阿諾第二次再演T800角色已經由壞人轉變成英雄，由未來被派遣到現代保護少年 John connor，並且發展咗少少父子牽絆。電影嘅特技同製作喺當年嚟講係最高水平，就算今日標準嚟評價都唔失禮。



Jack Slater - 《幻影英雄》(1993)
票房同成本唔成正比，但係其實戲唔錯，係阿諾最被低估嘅作品。阿諾喺戲中扮演銀幕上嘅角色，因為一張魔幻戲票而嚟到現實世界。有兩場戲超級好笑印象深刻：（1）幻影阿諾遇上現實阿諾，投訴話因為佢演戲令戲中人生活痛苦；（2）戲中世界《未來戰士續集》嘅主角係史泰龍，阿諾大讚“He's fantastic. It's his best performance ever！”

fantasy

Harry Tasker - 《真實謊言》 (1994)
阿諾同占士金馬倫再合作，拍攝高成本勁打勁爆嘅本作，片中阿諾同珍美李蔻蒂絲合作扮演互相瞞騙鬥氣夫妻十分攪笑。



Mr. Freeze - 《蝙蝠俠與羅賓》(1997)
講真以戲論戲就真係麻麻地，祖舒麥查執導嘅蝙蝠俠搵嚟阿諾做急凍人，戲服、動作場面同攪笑都爭啲爭啲，不過阿諾已經係呢齣戲最大賣點。