幻影時光地帶 - Powered by Discuz! Board

Sclub交友聊天~加入聊天室當版主

(檢舉)

標題: 世界十大獨特纜車 [打印本頁]

作者: legend 時間: 2013-8-5 21:47 標題: 世界十大獨特纜車

講起世界十大獨特纜車，大家數得出幾多個？你以為香港那個可以望到天壇大佛的纜車夠特別？其實未算，以下例子先算經典！

1.美國俄勒岡州 SkiWay

位於美國俄勒岡州的「SkiWay」纜車於1956年建成，來往俄勒岡州胡德山政府和林邊旅館之間，更是當時世上最長的電車。可惜由於金融危機，纜車只營業咗幾季就停駛，後來更於1961年被拆除。

2. 中國華山纜車

講到驚險纜車，又點會冇中國份？道教神山華山的纜車同時入選。華山位於中國陝西省，更有「天堂之下最險峻的山峰」之稱，如果單靠自己雙腳想爬上山頂應該唔係太可能，所以大多數人都選擇咗搭纜車兼賞風光。

3. 美國迪士尼樂園 Skyway

迪迪尼是不少細路仔最鍾意去的地方，即使係1950年代都唔例外。呢一座架空纜車可以話係當年美國第一架，邊似宜家幾乎每個主題公園都有，所以當時相當受歡迎。可惜由於電池老化，Skyway亦都係1994年關閉。

4.瑞士 Cabrio

呢部2012年先開始營運的全球首部開篷雙層登山纜車係瑞士，位於琉森市附近石丹峯1900米高的山上，乘客可以係上面無阻隔地飽覽阿爾卑斯山美景，夠哂free，整個2.3公里的旅程只要六分鐘就可以完成。

5. 烏克蘭 Kharkiv Lift

烏克蘭 Kharkiv Lift於1971年開業，貫穿中央文化公園。最低點8米，最高點26米，而且價錢相宜，又有靚景睇，特別受當地學生歡迎。

作者: legend 時間: 2013-8-5 21:48

6. 英國倫敦阿聯酋航空纜車

由阿聯酋航空公司出資興建的呢座纜車位於倫敦奧運場館附近，橫跨整條泰晤士河。於纜車上可以360度欣賞倫敦市靚景同埋倫敦場館，個人覺得係繼London Eye後又一睇景好地方。

7.委內瑞拉 Merida

世界上最高、路線最長的纜車。Merida座落於3125米的安第斯山脈上，由上車到下車需時1個鐘，中途有4個站可以落車，終點是玻利瓦爾峰。

8.巴西里約熱內盧糖麵包山纜車

糖麵包山纜車建於1912年，是當地著名的旅遊點之一，可以將遊客由Babilnia hill地面站送上地標糖麵包山山頂。每卡纜車可容納65名乘客，每20分鐘一趟。

9.瑞典斯德哥摩爾 SkyView

瑞典斯德哥摩爾 SkyView夠哂新同埋獨特，位於地標愛立信球形體育館之上。於130米的最高點望出去可以將整個斯德哥摩爾盡收眼底，整個參觀時間大約半個鐘，坐一次收費$145瑞典克朗（約HK$173），算係抵玩。

10. 韓國

呢張係網上流傳嘅80年南韓光州的纜車，因為實在太唔安全，分分鐘跌個細路落街，係1984年已被拆除。

歡迎光臨幻影時光地帶 (http://heartwish.mylike.me/)