免費論壇 繁體 | 簡體
Sclub交友聊天~加入聊天室當版主
分享
返回列表 發帖

大埔發起餓爆領匯行動

抵食夾大件一向係屋邨商場食肆嘅生招牌,出品平靚正,生意唔憂做。不過,家陣再冇呢支歌仔唱咯,皆因領匯呢個大業主為富不仁,下下藉「優化」之名搏命加租,搞到平民食肆難以為繼,屋邨居民無啖好食,焗住要絕地反擊。

~~~~~~~~

嗱,大埔大元邨美食廣場關注組發起「餓爆領匯」行動,喺區內多個領匯旗下商場,呼籲市民唔好幫襯商場內嘅大型連鎖式食肆,以表達居民對商場改裝後,街坊食肆被逼走嘅不滿,直指領匯扼殺佢哋嘅生存空間。關注組仲計劃日後發起每月針對一間連鎖式食肆嘅罷食行動添。

唉,又唔怪得居民同商戶搞到罷食咁激嘅,領匯一直以來漠視屋邨居民需求,美其名曰「優化」商場,其實係優化荷包。佢哋大幅加租,逼走平民食肆,引入高檔餐廳,自己賺到盆滿缽滿,小商戶就一殼眼淚。最諷刺係,領匯早排搞了「尋味時光」,結果咪變成市民口中嘅「尋你老味」,自取其辱囉。

話時話,領匯玩殘食肆一早唔係新聞。屯門友愛商場○八年被領匯接管之後,即時大規模翻新,舊貌換新顏本來係好事,弊在領匯利字當頭,懶理商戶生計同居民需要,有理無理係咁加租。好似一間留守友愛邨近三十年嘅餐廳咁,租金由○八年嘅每月二萬八千元,加到依家五萬幾元,最近仲要畀領匯迫遷,你話係咪離譜吖!你話係咪逼上梁山吖!

係人都知,公屋同居屋商場嘅服務對象主要係基層市民,平靚正先至受歡迎,領匯接手後,罔顧社會責任,一味掛住掠水,多次以翻新商場為名大幅加租,或者要求舊租戶同新租戶一齊投標,變相將舊租戶趕絕。正所謂,羊毛出在羊身上,租金大增,最終轉嫁畀顧客,令基層市民百上加斤。

除此之外,因為商場變得單一化,居民無得選擇,生活好唔方便。家陣領匯商場啲店舖幾乎千篇一律係連鎖店,唔係賣化妝品,就係賣珠寶首飾,唔係賣電器,就係賣中西成藥,擺到明招徠遊客,完全冇晒香港嘅本地特色。

其實話到尾,領匯之所以咁肆無忌憚,為所欲為,完全係港府當年政策失誤,多年來又監管不足造成嘅惡果。解鈴還須繫鈴人,幾年前油魔肆虐無王管,運輸業飽受貴油價煎熬,無奈之下發起「餓死油魔」行動,呢次公屋食肆「餓爆領匯」,同樣係官逼民反嘅咋。咪話功夫茶唔提醒,唔該港府快快諗計,將呢隻怪獸收入籠...

(摘至東方日報-功夫茶,21/7/2014)
http://memory-of-child-year.blogspot.hk/

領匯旗下商場連番引入連鎖式食肆,小商戶被迫結業惹來居民不滿。大元美食廣場關注組20日發起「餓爆領匯」行動,呼籲居民透過罷吃大型連鎖式食肆,向領匯施壓,要求保留街坊商戶,堅守人情味及食肆種類多元化。

行動初步針對三間大型連鎖式快餐店,透過轉輪抽籤選出其中一間作為首波罷吃目標,為期由23日起至29日。關注組強調未來延續行動,每月發起罷食一間連鎖式食肆。

十多名大元美食廣場關注組成員拿起水槍,射破「餓爆領匯」橫額,寓意罷食行動展開。他們在大埔區內多個領匯旗下商場向居民派發傳單及氣球等,呼籲居民關注街坊商戶被趕走的問題。

關注組召集人梁秀娟表示,冀透過居民罷食向食肆及領匯施壓,保留以往「商住兩用」設計,留住小店情懷。她並痛斥,房屋委員會只顧有商場提供商鋪商戶,卻不理壟斷局面。加上,過往店鋪面積規畫較小,但現在多數發展大面積商鋪,導致小店創業難,擔心日後壟斷情況更嚴重。

(摘至世界新聞網,21/7/2014)
http://memory-of-child-year.blogspot.hk/

TOP

D野樣樣都貴,仲係越黎越貴 我都嬲爆好耐,我會支持,希望會有多D人支持

TOP

http://memory-of-child-year.blogspot.hk/

TOP

返回列表